今晚機返香港,早上從酒店 check-out,竟然講廣東話,無辦法,酒店四周都是香港人,簡直可以改名 "香港飯店",不以為然地跟前台講廣東話,前台也面不改容地答︰放存行李?請等等。完全沒有詫異的表情
忠烈祠 - 圓山飯店 (遠眺) - 度小月 - 買手信 - 機場
由於年輕人未睇過軍操,專程到忠烈祠看軍操。網站竟然沒有提及忠烈祠在修葺中,激死 早知到中正紀念堂睇交接儀式,犯不著老遠跑到忠烈祠來。
離開忠烈祠,途經見到不遠處的圓山飯店。
唔打唔撞,坐上一架途經忠化敦路的巴士,坐巴士河遊台北市,看到銀行區、小巨蛋,真開心。
終於到達度小月,老店的風情果然跟分店不一樣,還是值得走這一趟路。領航員哥哥即將升職,呢餐佢請,店員升紹了這個六人份的特別紀念餐,限量每天供應五客。講到咁特別,即時來一客。個餐真係好正,配料新鮮、味道好、從四式蔬菜到烏魚子都看得出心思,尤其是個湯,更是個個讚不絶口。
請食飯都可以遇上這頓美食,都話領航員哥哥 "旺" 架啦,祝願佢新工作事事如意,過兩年再升一級,再請我地食飯。
吃完午飯,返回西門町閒逛,可惜天在落雨,找了間 85度,喝離別的下午茶。
離別前,買好阿棕麵線、信遠齋的燻雞和小食,在機場吃臨別的台灣美食。約好孫先生到酒店接我們,先到水果行取訂好的愛民芒果,接着到信遠齋買燻雞和小吃,最後往萬年茶行茗茶和買茶葉。
在機場吃過奇貌不揚的燻雞和阿棕麵線,Yummy! Yummy! 上機實在食唔落 "飛機餐",大家看看旅台的照片後,談談天,彷眼已到達香港機場,結束今次愉快的旅程。
你地既行程好正 ,食物都好豐富 ,真係好想再去呀
回覆刪除[版主回覆08/07/2010 13:00:00]自遊行亦有自遊行的樂趣,可以的話,來個一家四口自遊行,亦有唔同既感覺。
嘩!阿兵哥佢一動不動地企係道,眼都唔閃下,仲要大熱天時企係道,同解放軍一樣。
回覆刪除[版主回覆08/09/2010 08:50:00]唔止解放軍既,好多地方的阿兵哥都係咁。