2010 台北、花蓮遊 - 第一天

延續上次高雄墾丁之披星戴月旅行團，今次目的地是台北、花蓮，攝影團的團友更新了一位領航員哥哥，佢同司機哥哥非常之夾，仲好 "旺" 我地，每次出動都天天天晴，去程仲俾航空公司 upgrade 咗去商務位，真犀利。

天朗氣清的早上

話咁快就到達台北桃園機場，團友們話鬼咁好瞓，唔願落機添。到達機場後，打電話租車的司機先生，接我們到今晚下榻的天成飯店。

當天交通不算暢順，一小時後到達天成飯店，選擇天成飯店就係方便翌日從台北車站出發到花蓮。辦理好登記手續，便到隔鄰的台北車站取翌日往花蓮的車票。

今次所有票務、訂房的工作都係團長姐姐負責，花師奶只係 keep 數，真係辛苦晒團長姐姐。

唔知台灣的老化問題係唔係嚴重過香港？此類貼心的服務四處可見。

走上二樓的 food court 逛逛，有五十多間食肆，分門別類，井井有條。因為酒店不包早餐，計劃選定一間翌日前來吃早餐，點知，food court 開早上十點，無辦法，只好下次再幫襯。

行程到今次旅程的第一個美食點 - 點水樓。朋友介紹，點水樓的小籠包更勝鼎泰豐，當然要試試看。

團長姐姐已經做好資料搜集，點水樓的老店就在台北車站不遠處。

從台北車站對面的懷寧街一直行..........

到街尾.......咁就見到點水樓啦。懷寧店相信是點水樓的老店，只有這間店在中午時份會休息的，想幫襯的朋友要留意了。

朋友無介紹錯，個人覺得味道更勝鼎泰豐。

食飽飽，大伙兒漫步回天成，安放行李及小休一會後，便起程到淡水。

酒店每間房送咗兩份可麗餅，到地下的雪糕店取用，順便點了些咖啡、茶、沙冰。這間酒店上網需要付費，地下這間雪糕店內有 wifi，可以上網，問店員取密碼即可。

雖然係送既小食，店員都一絲不苟地處理，讚！

又幾好味喎！

搭捷運到淡水，再坐船仔去漁人碼頭影日落。

未影日落，先影靚女。