花少爺的生日晚餐

花少爺的生日即係花老爺同花師奶既結婚週年紀念，真係驚死我地唔認佢做仔。

因為花少爺要參加童軍分區的會長盾比賽，所以要接完佢之後再搵間又好味、又食得快既餐廳，食完飯快啲比佢休息。

終於選定荃灣眾安街的真壽司，呢間壽司跟平時食的相差一倍，三文魚腩壽司食半個拳頭咁大，重好厚添，真係唔講得笑。由於係排隊店，最好在6:30之前坐定，否則最少等半頭鐘。今次又唔記得帶相機，用電話影相，所以質素好差。

海鮮拉麵

天婦羅 - 蕃薯拼南瓜

鹽燒魽魚骹

仲叫咗甜蝦手卷、玉子壽司、三文魚壽司和腐皮壽司。平均每人消費壹佰元左右，所以日日排長龍。小店一間，服務就相當一般了。

花少爺，生日快樂！

慶祝結婚二十週年紀念的餐廳

轉眼結咗婚廿年啦，原來計劃同花老爺去深圳食飯慶祝，點知花少爺去咗露營，我地又唔想花小姐一個人咁孤零零，於是約埋花小姐一齊去食法國餐慶祝。

揀咗青衣城的 La Parofe，呢間餐廳的收入扣除主要開支後，盈利會捐去做慈善。而且標榜所有食物都無加味精

Special set dinner 係六道菜，鵝肝、焗田螺、魚蓉湯、主菜、甜品和飲品。我同花小姐擔心食唔晒會浪費，所以決定兩份食一個 set 再加一個湯和沙律，結果啱啱好。Special set dinner $238/person，加多一個黑松露菌湯和法國辣魷魚沙律，埋單六百幾，物有所值  

相比隔壁間法國茶餐廳，呢間服務同味道較好，但食材方便，就隔離間法國茶餐廳好啲。

農夫包和燕麥包

蜜餞蘋果鵝肝，呢樣就隔離間法國茶餐廳好食啲。

薯蓉田螺 - 不過不失

法國辣魷魚沙律 - 啲黑醋汁好味

魚蓉湯

主菜之一 - 羊架

主菜之二 - 蕃茄海鮮飯

甜品 - 水果班 cake + Ice cream

餐廳的朱古力特飲

韜韜介紹的澳門達榮魚翅湯麵

去咗澳門做少少嘢，順便食吓韜韜介紹既魚翅撈麵。

間店位置在氹仔官街附近，咀香園條食街，可能係電視效應，變咗排隊店。

見到韜同啲靚女相，即變人氣店。

魚翅球喎，$45 - 10粒，除咗貴啲外，我地就無辦法搵到佢同炸鯪魚球有咩分別。

呢碗就係魚翅撈麵，麵身幾爽。可能太多客人，魚翅群邊都未煲得夠時間，仲係好爽，普通而已。承惠 $53。

魚翅湯麵 - 每碗$38，碗麵都幾細，加底要 +$7。

呢餐一啲都唔平，以遊客心態食吓無妨，好好食就唔講得啦。

反而晚上在官也街的公雞食晚餐，仍然保持一貫水準，澳式葡菜，不過花老爺無心機影相，無得留念。

Pokka Cafe 下午茶

今日去咗 Pakka Cafe 食下午茶，花少爺最喜歡這裡的甜品，專程問朋友借了八折咭跟他去吃甜品，點知又話好忙無時間食惟有同花老爺去食，請埋佢食仲要吚吚哦哦，黑人憎

煙鴨胸帶子菠菜天使麵 + 凍奶茶，整體ok，但帶子處理得唔好，美中不足。

蜜嘜多士雪糕 + 咖啡，日式厚多士配蜜糖，蜜糖當然比用一般的糖膠好味，甜品仍然是較喜愛的部份。

由於有八折咭，埋單約$120，下次再同花少爺再食過先。

我的運動週記-2

今個星期花老爺同大小姐病咗，加埋大小姐考 mock，星期一、二都返咗屋企陪佢地，星期三即刻上番堂 body combat。一齊上堂的兩位朋友繼續上 body pump，如果唔係想返屋企陪老爺，我都好想上多堂。希望星期五順順利利，可以上 Yoga。仲有星期六，計劃由 1:30 body combat 開始上，睇下最後上幾多堂先。

終於到咗星期日啦，可以總結吓。星期五上咗堂 Hot，星期六就由 1:30 combat 開始，combat + yoga + step。跳到半堂 step，好想放棄，但係上緊堂無得走嘛，只好死頂。返到屋企，開始周身痛。都未試過做完開始痛，通常都第二朝先痛嘛，星期日要休息吓。

星期六做完三堂加上未食晏，上磅 123，輕咗兩磅。唔知下個星期有無進賬呢？

我的運動週記-1

上星期好乖，星期一 Yoga + Body combat，星期二 Latino Jam + Pilates，星期三 body combat，星期六 Yoga，星期日 Body Pump + Stretch

好耐無上 Bernadette 既 Yoga，星期六上 Hot，竟然覺得做 chair pose 大腿無反應，應該係做 Pump 做得多，肌肉強壯咗。星期日做 Body Pump，做 Abs 竟然可以用 core 做伸展，雖然只係做到幾下，已經好開心。