韜韜介紹的澳門達榮魚翅湯麵

去咗澳門做少少嘢，順便食吓韜韜介紹既魚翅撈麵。

間店位置在氹仔官街附近，咀香園條食街，可能係電視效應，變咗排隊店。

見到韜同啲靚女相，即變人氣店。

魚翅球喎，$45 - 10粒，除咗貴啲外，我地就無辦法搵到佢同炸鯪魚球有咩分別。

呢碗就係魚翅撈麵，麵身幾爽。可能太多客人，魚翅群邊都未煲得夠時間，仲係好爽，普通而已。承惠 $53。

魚翅湯麵 - 每碗$38，碗麵都幾細，加底要 +$7。

呢餐一啲都唔平，以遊客心態食吓無妨，好好食就唔講得啦。

反而晚上在官也街的公雞食晚餐，仍然保持一貫水準，澳式葡菜，不過花老爺無心機影相，無得留念。