星期日花老爺難得有假放，好好人咁幫三個美女影相，今次影得麻麻地，小美女又不在狀態，小小美女頂帽又戴錯咗，要再搵花老爺影過先得。
阿 B 已經兩個幾月，食得又瞓得，已經食 5 oz 奶，同花小姐當年有得揮，可能佢太似花小姐 BB 咁可愛，加上而家心情輕鬆，所以特別錫佢，花小姐叫花師奶千其唔好玩玩下自己生返個，佢話實俾人話係花小姐珠胎暗結，我認咗做女喎，真係啋過佢
小小靚女真係識做，次次見到佢都咁乖，雖然眼瞓到不得了，都無扭計，食完奶抖咗一陣，俾花老爺搞醒咗，竟然唔喊，抵錫
真係眼瞓到不得了
搞搞下又醒咗
竟然唔喊，之後仲識笑添。
好囉，終於坐 BB 車返屋企囉。
上車就瞓覺
小靚女唔肯坐定定影相，但食麵包都多表情到不得了。
同場加映︰姊妹情深
第四日︰重點項目 - JJ Market
從 Mo chit 站，穿過公園便到達 JJ
從 JJ 各處都可以見到這個鐘樓，如跟朋友前往，可約定失散後到鐘樓正面等。
十年如一日既 JJ
質素較優的貨品也不便宜，在這檔買了禮物給結婚的朋友，雖然 JJ 其他檔口有差不多的貨品，但質地較好，最後都是在這裡購買。
各式各樣的檔口
皮帶港幣百多元起，但款式很多，又可自行配搭皮帶，只好又破費。
行到中午，根據網友的指南找到柯多哥市場，互聯網真是偉大的發明。
不要少看那十支串燒，跟 Night Market 的相差一倍，當然包括價錢也貴一倍，但好好味。
行完到三點幾，太倦了，打的回府。
朋友介紹 Tea Room 晚上的 all you can eat 值得一嚐，每位 600B + 10% + 7%，幸好出發前再上 forum 望望，記得帶 citibank 信用咭，15% discount，每人慳成百匹，為今次的旅程劃上完美的句號。
雖然食物總類唔算太多，是普通的炸春卷、蟹蓋、蝦餅、咖哩、炒飯、粉麵、甜品、特飲之類，但在此舒適的環境享受一個晚上，絶對超值。
返到 apartment 收拾行裝，點算一下有無買漏嘢，好彩個大喼啱啱放得晒。
第五日食完早餐就要出發到機場，拜拜曼谷。
一件去，三件返，又完成任務。
第三日
今日無 planning，去 Siam 行下，食下嘢，晚上去 Pimmalai Spa 做 message。
又是一個充滿陽光的旅程開始
探下 Siam Paragon 既 supermarket 同水族箱 food court
去 Central world 行下列
無咩好買，到 7/F 睇食肆。雖然未肚餓，都幫襯咗版主介紹既泰北菜 KUM POON。
實在太飽，點了冬陰公湯、串燒豬肉配炸糯米飯、Lemongrass Tea。真係好好味，有機會要再去試其他嘢。
食完飯諗住返酒店做 on-line check in，游下水，5:00pm 出發做 message。點知......花老爺又係話啲水凍喎，游咗陣就擹咗落張 sofa 睇 DVD。
五點鐘出發，搭 BTS 到 ON NUT 站。呢間感覺更原始，但始終覺得 Let's relax 個草球按摩舒服啲。
好舒服咁嘆個三粒鐘。
行去 BTS 站的 TOPS，個 food court 不太吸引，食肆只有 KFC 和 MK 火鍋。成功說服花老爺掃街，走返去夜市嗰邊。返到過去成十點，賣乾貨的已陸續收檔。
呢檔炒麵唔講得笑，足足等咗半個鐘先有得食。
等既期間在隔鄰麵檔叫咗兩碗麵，都幾好味。呢個麵檔媽媽識得講普通話，個女識英文，又靚女。諗住食完麵搵佢影相，點知靚女走咗
呢碟就係等咗半個鐘既蝦麵
食飽飽，又一日。
