街坊飯聚，大家相約九月份到長隆動物園玩，可惜抽唔到籤，最後改為到東莞樟木頭的三正半山酒店住咗一晚。
由深圳出發，到福田口岸過關，轉乘深圳地鐵到市民中心站深圳博物館參觀。
深圳博物館免費開放，又近地鐵站，路經都值得去參觀下既。之不過，睇黎睇去都係嗰啲嘢，由遠古到現代，五幾年既船務文件到糧票、布票，直至現在的繁榮景象，大家都估到睇啲咩啦。
班大細路咩都玩一餐。
參觀了個多小時，約了司機在深圳博物館接我們 (13138825816 仙) 到樟木頭食燒雞。
食飽飽就去酒店攞房
由於遲訂房的關係，只剩下豪華園景房。
呢款係豪華園景 spa 房
今次買了套票︰人民幣 760 包括豪華園景大床房一晚、雙人早餐、雙人沙利文餐廳自助晚餐和雙人 red zone 的一杯飲品。
抖咗一陣，坐酒店車到市中心行下。Shuttle Bus 每正點在酒店開出，每小時的30分鐘在火車站開出，車程大約十五分鐘。
晚上在餐廳食自助餐，今晚美食之旅有兩團團友也在酒店吃自助餐，人流都好多。
朋友請花師奶吃的生日啫喱
餐廳安排了樂隊到每枱接受點唱，唱得幾好聽架。
晚上到 RED ZONE CLUB 睇表演，成個行程最差就係呢度。入場時要我地八個人分開兩枱坐全場最後嗰兩張枱，仲要中間隔條走廊，我地話坐前後枱都唔得。杯特飲係水或可樂，啲表演唔好睇，音響又差，大家睇咗陣就走人。之後部份團友去按摩，部份團友就返房休息。
本來去玩就盡量唔想計較，以免影響心情，點知越諗越嬲，當我地係港燦。返香港寫封投訴信去酒店，聲稱五星級酒店點可以有咁既服務？經理話 "開會檢討"，希望佢地真係會檢討啦。
第二日天氣唔好，食完早餐 hea 咗陣就 check out。之後去常平食咗餐唔錯既湖南菜，成個行程就無無聊聊咁結束。
