通記海鮮酒家@西貢

因為團購了這家店的優惠卷，一行人再跟媽媽到西貢吃生日飯，連同齋宴的一餐，今餐係媽媽的第三餐生日宴，她當然非常高興。

放工回家接了媽媽，再到官塘接哥嫂們，直入西貢。當晚天氣很冷，只有幾枱散客。

在網上食評，網友投訴用優惠卷受到歧視，為免麻煩，簡簡單單的點了六人餐。期間服務員的招呼冷冷淡淡，但亦未算差。到埋單時，部長話下次搵佢寫菜，每人二百五的預算，可以包括魚生船，早啲黎，我地一定食好啲啦。

海鮮湯

芝士焗龍蝦

金銀蒜煎元貝

花雕蛋白蒸海紅蟹 - 酒太多，有點苦，浪費了這道菜。

清蒸海上鮮

椒鹽鮮尤

油菜

楊州炒飯

飯後水果

附近海鮮酒店放出來的招財鱟？

金田長日本料理

這間聞名的八寸長壽司店，一直都想試試，剛巧團購網有現金卷賣，買咗四百蚊，約埋花小姐和她的朋友仔一齊試食。花小姐話未跟倆老過節，餘額佢請喎，咁梗係要食多啲啦。

先來一 round 八寸長壽，每人一件三文魚、一件吞拿魚。嘩！件壽司除咗長之外，魚生薄薄的，唔好食，壽司飯亦不見得出色  

點了兩款正常的試試，普通之極。

普普通通的炸蠔

點了一板海膽，店員介紹這款加拿大的海膽較鮮甜。一啲都唔覺特別鮮甜，份量少，除咗貴啲之外，睇唔到有何 "特別之處"？

全晚最好食的金菇牛肉卷

店員話好好食既手打烏冬 - 可能佢無食過 "好食既手打烏冬"

地獄拉麵 - 花老爺話好耐未食過咁唔好食既地獄拉麵

大鄉理之圓方遊

朋友介紹圓方的電影院很值得一遊，花家兩老甚少外出看電影，碰上哈利波特上画，正好一訪圓方電影院。

大鄉理之一

花老爺搵停車場入口，氹氹轉很久，終於在商場的一端找到入口。

大鄉理之二

放工從沙田開車往圓方，加上搵停車場，已花去不少時間。泊好車，匆匆看過車位編號，便馬上到商場找電影院之所在地。離開的時候，到停泊的編號找不到車子，幸好花師奶記得商場的指示顏色不同，相信有多於一個停車場，最後又找了十五分鐘才尋回錢七。

大鄉理之三

圓方戲院果然值得幫襯，座位寬闊，背部可延伸，配合場面的音響以及會震動的椅子，有少許 3D 電影的感覺。但花師奶年紀大，看罷電影覺得非常疲倦，真係唔認老都唔得。

話說回來，買完戲票只餘半小時的開餐時間，匆匆忙忙到 PRET 吃晚餐，狼吞虎嚥的結果，還要外攜芝士餅入戲院解決。

晚上很多食物已售罄，在有限度的選擇下，今餐唔算得上好食。

飛快地跑進戲院

懷舊菜@蓮香樓

參加完姪仔婚宴，好難得一家人聚頭，大家當然唔捨得走，離開淺水灣，大伙兒到赤柱逛了一圈，晚上到蓮香樓吃懷舊菜。

鎮店之寶 - 八寶鴨

百花釀豆腐

蒜蓉芥菜膽

煎釀三寶

椒鹽鱔球

臘味糯米飯

熱辣辣的馬拉糕

外賣部的桂花榚

 

滿感動的婚宴

今天出席了花老爺姪仔的婚宴，眼看著我們的下一代長大成人，開心得難以形容。

初初跟花老爺拍拖，姪仔是小學生，記得第一次見他，還是媽媽帶著去洗手間，轉眼已過廿多年，日子過得真快。

唔係讚自己人，姪仔、姪新抱真係郎才女貌，叫人看得滿心歡喜。

婚禮場地

Grace and Bobby

賓客魚貫進場

開始啦

可愛的小花童

感動時刻