這間聞名的八寸長壽司店，一直都想試試，剛巧團購網有現金卷賣，買咗四百蚊，約埋花小姐和她的朋友仔一齊試食。花小姐話未跟倆老過節，餘額佢請喎，咁梗係要食多啲啦。
先來一 round 八寸長壽，每人一件三文魚、一件吞拿魚。嘩！件壽司除咗長之外，魚生薄薄的，唔好食，壽司飯亦不見得出色 
點了兩款正常的試試，普通之極。
普普通通的炸蠔
點了一板海膽，店員介紹這款加拿大的海膽較鮮甜。一啲都唔覺特別鮮甜，份量少，除咗貴啲之外，睇唔到有何 "特別之處"？
全晚最好食的金菇牛肉卷
店員話好好食既手打烏冬 - 可能佢無食過 "好食既手打烏冬"
地獄拉麵 - 花老爺話好耐未食過咁唔好食既地獄拉麵
我公司同事話呢間都幾抵食同OK,會吾會你家人食得好野多,富貴口<<<>>>
回覆刪除[版主回覆01/01/2011 13:08:00]唔知係唔係水準下降，定我地唔好彩，真係嘛嘛地。加上之後去松屋食，除咗海膽之外，其餘嘢都有，任飲任食都係每人$190，相對之下，呢間梗係無下次啦。
HAHA 邊個係花小姐"朋友" 呀?
回覆刪除[版主回覆01/04/2011 15:58:00]家誼