近日為了女兒的台北之旅和哥哥一家的高雄墾丁之旅編寫行程和安排住宿，很多意外之喜。
女兒和朋友們畢業之旅選擇了台北，但礙於預算問題，一直猶豫要不要安排溫泉旅館給她們？幸得台北的同學幫忙，找到金山的溫泉旅店，還取得很好的價錢，真感激她。
哥哥一家的行程安排在高雄和墾丁，去年聖誕節原來計劃訂民宿85水格印象，可惜後來增加了兩名團友，加上我們訂房太遲，最後唯有住金典飯店。但查詢民宿期間，認識了民宿主人，料不到今次哥哥一家到高雄，民宿主人 - Gordon 幫了很大的忙。從訂房間到安排交通到墾丁，Gordon 兄都為我一一處理，不得不說一句︰太棒了！
實在太感激台灣的朋友，事情順利得很。主佑！
大澳的第一站，係導遊介紹既甜品和海味店 - 益昌。先食甜品。甜品有︰荳腐花和芝麻糊，仲有荳腐花加芝麻糊變成既 "黑白" 。荳腐花算幾滑，不過荳味唔重，芝麻糊係生磨既，花老爺話得喎。我比較喜歡 "黑白"
，豆花混埋芝麻糊既甜味，慳返唔使落糖嘛。
益昌海味，從五蚊既辣椒豆鼓，到幾千蚊既花膠都有，豐儉由人。
最衰係落雨濕濕，蝦醬工場無開工，導遊張先生擰啲發酵中既蝦醬過我地聞，嘩！真係好香，仲要初初開蓋唔覺咁香，越聞越香。由於雪柜尚有許多琳琳種種的調味料，我只買了一瓶蝦醬俾隔離位個壞人。個壞人去台灣玩都掛住買嘢俾花家食，我梗係要禮尚往來啦。
食完甜品，買完蝦醬。經過橫水渡，向舊大澳碼頭方向進發。
美麗的大澳
殺風景的垃圾
另一海味老店 - 老友記
荒廢了的大澳街市
在大澳郵政局
和大澳消防局旁，
便是大澳的另一 "景點" - 茶粿財
每次到大澳，都要先到財伯那裡買茶粿、糯米糍，晏啲驚賣晒。伯伯話以後我地到大澳，打電話留定俾我地，唔使我地擰住啲茶粿、糯米糍周圍走。
茶粿財- 大澳石仔埗街106號，電話︰2985 8740
買完茶粿，繼續行程。
大澳大會堂
呢個濕地好靚，有好多好多朝潮蟹、彈塗魚，又有紅樹林。可惜我學藝未精，影得唔好。
在小學旁，又見到婆婆買糕點。我地食咗桂花糕，我覺得好好食，花老爺就話無龍皇酒家嗰啲咁好味。佢都傻既，龍皇酒家賣幾錢？婆婆賣 $3.5 咋，費事啋佢。
經大街回程的時候，又見到燒尤魚、黃花魚春既檔口，又試咗黃花魚春。
亞姨好用心咁燒，幾鮮味。
要離開啦.......
食埋雞屎縢茶粿先。
大澳啲人好好，個個都好好笑容，有無幫襯都唔會黑口黑面，搞到我檔檔食少少，都飽到上心口。
今日玩得好開心，亦好高興認識到花家姐啲朋友。花家姐，多謝妳。
今天參加了盛恩舉辦的一天遊。
盛恩中心是花小姐和花少爺小學時候經常參與活動的中心，今次花老爺的姐姐話中心有個東涌、大澳的一日遊，雖然花小姐和花少爺都唔得閒參與，咁兩老就跟花家姐一家去玩啦。
去到中心，花家姐就不斷咁同啲 friend social，見到花家姐和朋友一齊咁開心，都鈎起一啲以前同班太太一齊既回憶。而家仔女大咗，唔會每個星期都在同一地方相遇，都無晒啲太太團朋友囉。圍埋都係講仔女、學校、家庭，講既又唔厭喎。而家就換咗做運動既朋友，啲時間過得真係快。
集合地點
今日既導遊 - 張先生，佢非常好人，對香港歷史又熟，聽咗唔少故仔同中藥常識，真係獲益良多。
由於天氣不穩定，東涌遊古蹟改為去東薈名店倉。可惜時間尚早，啲鋪頭都未開，只能 window shopping 而已。
十一點鐘集合食晏，知道今朝唔食咁多嘢，而家仲好飽添。
呢度就係今日食晏既地方，東涌村屋內的東昇樓。
味道唔錯，仲有八個餸咁多 ︰雞、三絲豆腐、燒腩仔、魚干蝦干茄子、金菇瑤柱白菜、西芹鮮尤、蒸三色蛋、蒜香骨，食到好飽
食飽飽後，由原來既旅遊巴，轉咗大嶼山巴士。
經過卅分鐘左右的旅程，便到達大澳。
