靚女日記 - 6

B 女差不多四個月大，到餐廳食飯，環境又嘈，又要捱幾個鐘，真係辛苦。

初初都仲好開心

真係好眼瞓呀

之後又被人搞醒咗

真係淒涼

母親的壽宴

母親大人生日，到了九龍城廣場觀自在食飯。除了陪媽媽外，很少吃素，所以唔知啲餸叫咩名，不過好好食。

最鐘意右邊碟义燒，真係好似，好好味。

唔好以為食齋唔飽，十四個人都食唔晒，仲包咗四盒走。

呢碟甜品係朱古力球，好特別。

壽宴唔少得既壽包，食食下先記得影相。

中學同學聚會

小時候的花師奶無心向學，讀完中三便到工廠打工，學人自立。當時的花師奶都算是年輕貎美好多人約去街，過了一段自由自在的日子後來跟花老爺拍拖之後，心收養性，可惜花老爺又返 shift，為免自己心思思周圍去便計劃返夜學，諗住晚晚有嘢做，點知改變了整個人生。

八十年代，香港正值工商業發達，當時做車衣女工，閒閒地每個月搵三千幾蚊，又唔需要準時返工，真係好開心。話說讀了兩年夜校，適逢香港的移民潮，很多小型公司都請不到好的員工。花師奶的班主任，日間在一間機械進出口公司任職主任，因身處在工廠大廈，很難請文員。由於請不到文員，便問花師奶有無興趣轉工做文員。尤記得，第一個月的月薪是壹千八百大元，是車衣女工的一半工資。年輕的花師奶，膽粗粗便轉職文員。

初時做文員真係好唔慣，衣著、午膳等開支暴升，交了家用，基本不夠開支假日還要到工廠做幫工 (以前叫炒嘢做)，先可以勉強維持。面對文職的工作，每每花上很大的努力，還是遭人白眼，真想一走了之，返回工廠做工廠女工幸好情況不是維持很久，可能年輕適應能力強，加上每天加班加點完成工作，很快便適應下來。不曉得是好運還是勤奮，在短短兩年，便加薪至四千元，當時的社會，每年的加薪起碼十幾個巴仙，否則基本留不到員工。

那時候，日間上班，晚上讀書，這樣的日子過了十年，一點不覺得辛苦，相反暑假不用上課，還有點失落的感覺呢。直到女兒出世，轉讀公開大學，才告別夜校生涯。

今天見到夜中學年代的同學，大家分別了廿一年，都已屆中年，每個人都已經成家立室，大部份同學的子女都已經十幾歲，這班勤奮的香港人，亦見證了香港的黃金歲月。

相反，今日的年青人，轟動要別人的關心和幫忙，小小失意便成為隱蔽青年，跟我們以前日做十小時，晚上上夜校，每天還是嘻嘻哈哈的，根本不覺得是苦日子。

希望花小姐和花少爺都有堅毅的精神，遇到挫敗都可以勇敢面對。

長沙灣 - 大中華飯店

朋友最近買咗新相機，花師奶近日爬文又發現咗一間食羊肉煲和煲仔飯的好地方，決定撞啱個星期日，見到朋友MSN上線既話，就一齊去試食兼試機。上週日，便幫襯了這間大中華，煲仔飯果然了得，下次要約埋花老爺的兄姊再去食過，人多食一定更開心。

由於忘記拍攝門口，借 openrice 條 link 黎介紹下︰

http://www.openrice.com/restaurant/sr2.htm?shopid=18762

朋友新買部相機係 GF，花老爺話影友都會叫佢做 girl friend，機仔細細，啲鏡頭又好可愛，影出黎既效果又真係得喎，唔怪之得而家咁 hit 啦。

花老爺隨手影既傑作，得唔得呀？

當天怱怱忙忙，啲少爺小姐個個無事忙，只有四位老人家食飯，點了羊肉煲、黃鱔煲仔飯、黃金鮮尤、生炒骨，除了生炒骨略為失色外，其他幾款都好味，尤其是個煲仔飯一定係再幫襯既原因。

黃金鮮尤

羊肉煲

生炒骨

呢個要重點介紹 - 煲仔飯。煲仔飯只有三款︰羊肉、黃鱔、臘味，每款均一價八十大元，點既時候覺得好奇怪？點解咁少選擇？又無雞肉、排骨之類選擇，三款都唔係我地想揀既，但又想食煲仔飯，最後揀咗黃鱔煲仔飯。

眾所周知，靚既煲仔飯一定要即點即煲，要等幾拾分鐘先有得食。慢慢食住等，等.......等到煲仔飯到，原來仲有師傅席前表現，師傅在非常熱既煲仔飯淋上豉油和一大碟葱，然後不停快速咁撈、撈、撈......，最後......

嗱嗱嗱！變咗呢煲味道鮮甜，配料平均既黃鱔飯。黃鱔飯是五邑那邊的名菜，每次去開平雕樓影相都會食，但相對這煲又甜又好味的黃鱔飯，以後去五邑都唔再食黃鱔飯。加上師傅咁辛苦在熱辣辣的煲仔飯調味既時候，依然好好笑容回答我地問題，真係要一再稱讚。

2009 東平洲

上週末，應網友的邀請前往東平洲旅遊，當天遊人不多，天清氣爽，大家渡過了愉快的一天。

多謝阿 B為我們預先購買船票，從馬料水乘搭翠華渡輪，經過約個半鐘的旅程，便到達東平洲。

每有渡輪抵岸，警務人員便會到碼頭巡查旅客，連狗狗也來幫忙呢！

剛抵步便看見這些美麗沙灘。

出發啦

其實，在東平洲，到處都是美麗的頁石、多不勝數的貝殼、海岸邊已可看見的珊瑚和海胆、漂亮的海岸線，根本無須理會什麼景點，我們玩了一整天，只逛了半個小島，或許，這樣才可以給我們理由，再訪小島。

彷眼間，回程的時間到了，歡樂的時間過得特別快，又係時候講拜拜！