2007 東京遊 - 5

天氣咁熱

FASTPASS又未夠鐘。唉！都唔知做咩好。咁我哋就出去舞濱駅食晏。

食完晏坐單軌車返樂園用FAST PASS玩小熊維尼，玩完啱啱好睇巡遊。

睇完巡遊我哋就離開咗樂園，去舞濱駅坐JR京葉線到海濱幕張駅既Garden Walk 幕張outlet。呢嗰 outlet最大賣點係 aguis b.，衫款會好啲，如果打算買袋就唔好有太大期望，啲袋款真係out 到呢

又冇長青款

好失意之下再上二樓行吓，見到間EDWIN，睇書話佢係日本「牛王」喎，我唔識，不過我覺得佢質地好，我家老爺試完話好着，咁就買咗兩條牛仔褲，所以唔知係咪好抵。呢度啲Nike款式及價錢都好過御殿場outlet，人流較少，所以有心機搵吓衫，都買到嘢。

不知不覺就7點鐘，要趕返迪士尼睇晚間巡遊。即刻走去幕張駅食飯再趕返酒店放低戰利品再趕去迪士尼睇巡遊。

好順利咁趕返迪士尼睇巡遊，然後再去玩多一、兩個遊戲。玩到十點鐘，迪士尼關門啦，我哋搭埋單軌車、接駁巴士返酒店。

總結今日成績︰出入咗迪士尼三次、坐咗五次單軌車、一次接駁巴士，玩咗9個遊戲、睇咗2個巡遊、1個水巡遊、1個下水禮。比我預算中，玩多咗好多。

2007 東京遊 - 4

7月31日 陰……後轉晴
Hilton既早餐梗係有番咁上下

係酒店食完早餐之後，出發搭單軌車去迪士尼

導遊交足功課，帶我哋先玩4D電影、我哋睇緊電影既時候，佢幫我地攞小熊維尼FAST PASS。派完FAST PASS，我哋排咗1小時SPACE MOUNTIN，行完兒童王國，夠鐘再攞巴斯光年FASTPASS。之後四圍行吓，玩多一、兩個冇咁多人排隊既遊戲。

2007 東京遊 - 3

7月30日 大雨
酒店食完早餐出發去富士急樂園

酒店內的早餐

個天終於都唔錫我哋啦

去到富士急落雨落到C，所有刺激既機動遊戲都唔開。雖然我倆老係唔玩機動遊戲，但係見到同團年青人好失望既樣，都覺得唔開心。入場之後，導遊派咗午餐劵就自由活動，有成3個鐘頭自由活動，又咁大雨，真係呢

本來打算影吓富士山、坐吓摩天輪，都因為大霧而擱置咗。咁做咩好呢？企係吸煙區避雨

去Thomas Land買手信比契仔、去Thomas Land既餐廳hea

好不容易捱到11:30，去餐廰食晏lu。

食食吓，點解…點解冇雨既，啲皇牌遊戲陸續開工，但係我地集合既時間係12:30，咁啲年青人都係玩唔到遊戲，真係

導遊話︰梗係有啲遺憾，你下次先會再返黎嘛。

離開富士急樂園，就出發去新宿，差不多到達新宿時，開始塞車。

因為怕我哋班港燦唔認得路，導遊在歌舞技町一番街既牌坊放低我哋，仲叫我哋影低相，搵唔到路就攞幅相問人

一放人我哋就走入一間回転(轉)壽司食吓嘢

不過呢間壽司就普通啲啦，佢得兩個價錢  ￥105同 ￥210，導遊話呢間算唔錯，好多人幫襯，啲食材新鮮。我哋就覺得麻麻地，啲壽司飯又散，食材普普通通，可能因為價錢較平啦。不過跟住都冇時間食第二間，所以冇得比較。

食完嘢就第一時間去有120年歷史既伊勢丹，打算買咗 aguis b.先，成間aguis b.都係香港人，M碼袋都係斷色，咁去銀座再買啦。跟住行吓新宿街頭，又去睇吓錶鋪。去錶鋪買咗隻 CITIZEN，水晶錶面既舊款表，我上次睇過，隻錢既STANDARD PRICE同香港一樣，而家五折。唔知抵唔抵，下次行開街睇吓香港幾錢先。

行行吓又去買生菓，亞女好鍾意食水蜜桃，今次黎唔到，比老爺鬧都要抽幾個桃返香港。去到伊勢丹買生菓，買桃既婆婆同我講嘢，我聽極都唔明，我家老爺話TODAY NO, TOMORROW NO, 3 DAYS LATER. 仲摷張紙寫住要室溫、不要冷藏。嘩！好勁呀，3 DAYS LATER啱啱好攞返香港，唔買都唔得啦。我用手勢請婆婆幫我揀，佢揀咗盒好重既比我。之後我仲盲中中搵到個CUSTOMER SERVICE COURTER 幫我 PACKING，佢哋好細心咁用 BUBBLE紙包完再用包裝紙包，然後先放手抽紙袋。

晚餐係歌舞技町一番街裡面既一間烤肉店，晚餐包食豬肉同雞肉，神戶牛扒另外加錢。根據參加過呢個團既網友話神戶牛好肥、麻麻地，所以冇加$$食牛。

晚餐的燒肉店

連食飯導遊比咗1.5小時我哋，我哋依然係好快咁食完就行街。人人都話日本既吉野家好食過香港既好多，我地食咗一個牛肉飯、一個牛肉湯鍋，真係甜到

都係香港吉野家啱我哋呢倆個港燦食。

導遊好盡責，不斷提醒我哋跟住兩晚住迪士尼 Hilton，五星級酒店、五星級價錢，最好買定嘢飲嘢食返酒店，我哋就梗係去便利店儲糧，入完糧就上車去期待中既東京灣 Hilton。

間房真係好大，好舒服。

房間內的急救包