2007 東京遊 - 2

7月29日 陰

早上在酒店食完早餐之後，到附近走走。

 

 

酒店附近的街頭非常冷清

 

 

酒店內的早餐

 

 

出發到蘆之湖去。個湖好大、好平靜，成個遊湖既行程應該係70分鐘，咁我地呢啲豬仔團就坐一個站，大概10分鐘，旅遊巴在另一端等我們去箱根大涌谷。

 

 

 

 

 

 

 

大涌谷係史前火山遺跡，現在仍有火山噴泉，遍山煙霧迷漫。店鋪都售賣 ”黑玉子” (黑穀的雞蛋)的紀念品，據說食一個延年7年，二個延年14年。由於一袋黑玉子是6個 ￥500，如果我同老爺一人食三個黑玉子的話，應該未延壽先滯瓜咗

所以我哋冇買。點知去到車站見到有散買1個 ￥100，咁就買咗兩個試吓。

 

 

 

 

 

 

 

去完大箱谷就返回蘆之湖湖邊餐廳食晏，點知我竟然大意到聽錯咗集合時間，遲咗10分鐘先上車，成團人等我哋，真係醜到死

之後每次集合我都 set電話 alarm。午餐係定食，三扒兩撥食完再去湖邊影吓相，去手信店行吓。日本既手信店最好就係所有價錢係一樣既，睇啱就可以買，唔洗擔心買貴咗。

食完飯就去日本庭園式的平和庭園，導遊話係紀念和平喎，仲有間廟宇可以參拜。因為文化背景唔同，我哋冇參拜，淨係影完相就上返車。

 

蘆之湖旁的午餐

 

 

平和公園

 

 

 

 

 

跟住導遊好好人咁話“醒”個御殿場 outlet我哋行喎，咁就出發去聞名不如見面既御殿場outlet。御殿場outlet真係好大，主要係 fashion brand，不過唔啱我哋。我哋主要行無印良品，如果鍾意無印既朋友會好開心，因為部份貨品我去到新宿間旗鑑無印都見到，再加埋折扣，部份貨品同香港比差一半都唔止。因為我家老爺家訓︰去旅行係relax，唔係做咕喱，所以唔可以買太多及太大件既嘢。我哋只係買咗兩件衫、兩條皮帶、散子包、手巾仔咁，不過睇吓都開心。

行完就上車返酒店。今晚住甲斐溫泉酒店，返酒店後換咗浴衣就去餐廳食懷石料理，仲有自費既魚生船。晚餐各款食物都好食、魚生船有海膽、帶子、龍蝦、牡丹蝦、甘蝦、再加六款魚生

都算冇欺場。食完休息一陣先去浸溫泉。我對溫泉冇興趣，我家老爺就自己落浴場浸，佢話唔浸絶對冇損失。其實日本酒店間間都有浴缸，我自己帶咗浴鹽，浸完可以即刻瞓覺，好舒服。

 

甲斐溫泉酒店

 

 

甲斐溫泉酒店內晚餐

 

 

 

自費魚生船