2010 台北、花蓮遊 - 第四天

第四日行程︰滿妹豬腳 (萬里火車站)、瑞穗牧場、舞鶴茶園、六十石山、安通溫泉。

太平洋旅館的早餐是紫米飯糰、水果和豆槳，味道相當唔錯，又健康，配上之前買定既 Latta，Perfect Match。早上 7:30 便掛在房門口，算唔算係 room service？

兩個後生仔，除了行程第二天約好一齊外出食早餐之外，其餘日子都係唔起身食早餐，果然係後生仔。

仍然係十一點鐘集合，繼續行程。

從前的滿妹豬腳是在萬里火車站旁的小店子，今日當然不可同日而言。出咗名，價錢不會便宜，一碟豬腳要港幣百幾蚊，一碟土雞都要港幣七十五蚊。還好算得上是美食，但又唔會有不可不吃的感覺。

滿妹豬腳旁的萬里火車站仍保留著舊有的風貌，中午時份，所有人與事都有種懶洋洋的感覺，真舒服。

花師奶最喜歡的稻田

離開萬里鄉，到下一個目的地，瑞穗牧場。

點解農場無牛牛既？啲牛牛去咗邊？

下午時份，牛牛都躱進牛棚裏喝水。估唔到，會見到可愛既............

駝鳥，佢地真係好活潑，走黎走去。

呢個農場係免費入場既，我地當然要幫襯下。先黎個茶點︰牛奶果汁、奶凍、牛奶雪糕，花師奶最喜歡牛奶雪糕。

然後再買手信，呢隻牛牛揼揼鬆好舒服架。又買咗啲牛奶糖，都算對得住個農場主人。

飲完牛奶，下一站飲茶。

舞鶴茶園的主人是美國碩士生，為理想和興趣創立了舞鶴茶園，又加入了咖啡產品，講到咁好，當然要拜訪一下。

試過佢啲咖啡，真係買唔落手。

呢位就係公主，講真句，以佢啲沖茶技術，真係好難相信佢係專家。

啲茶葉有唔同既花味，例如荔枝、桂花，公主話年份唔同，都會生產唔同味道既茶葉。花老爺以前好鐘意飲茶，而家越黎越懶，買咗用黎冷泡既茶葉。其他團友當然買咗各款茶葉送禮自用。

離開舞鶴茶園，按計劃到六十石山，看看有沒有金針花田。跟着 GPS 走，行到一條狹窄的小徑，越走越上，碰到一位採木的農夫，原來還要沿着斜路一直上，再過兩個山頭，才到達六十石山。他奇怪我們為何不走大路？跑到小路來。可能是這條路較近，GPS 便指引我們到這邊來。

天色開始昏暗，又不熟悉山路，商量過後，還是早點到安通溫泉飯店，休息休息。

安通溫泉飯店是老式的溫泉飯店，還保留了昔日溫泉飯店舊址，據說當年日皇太子對台灣來，都會到安通溫泉泡個湯。溫泉飯店亦有私家森林，住客可以租單車遊森林浴。

有無嘢要託運，貓貓可以幫到你。

跟天祥青年中心一樣，也有個人餐和合菜選擇，我們這個豪華團，當然選擇了合菜。又係山豬肉、溪蝦、土雞，加上金針花湯和野菜，台灣的原住民風味餐總離不開山豬肉、土雞、溪蝦和野菜的。

既然前日皇太子都黎浸溫泉，溫泉的水質是不用懷疑的，房間內的浴池跟戶外的感覺各有不同，有時間的話，還是比較喜歡泡露天溫泉。