花小姐的 "暑期工"

花小姐終於考完高考，仲有一科口試，就可以叠埋心水等放榜。在考試期間，竟然俾佢搵到份救生員既工作，但返工時間就朝 6:45 至 晚 10:15，即係每日返 15.5 小時。佢話所有人都打賭佢捱唔捱到一個月？

尋日返第一日工，佢就話原來搵錢好艱難。其實佢都算好彩，個管工見佢咁既款，只編了十多日的工作，希望佢可以捱得住，唔會中途而費。佢仲話個管工同啲拍檔好好人，佢一定會做到三個月，話唔定開學後可以繼續做兼職添。呢份係佢自己搵既第一份工作，正式要踏入成年人的世界，面對不同的環境，希望佢順順利利啦 

佢成日掛住母親節要食飯，問我可唔可以等佢放假先食？其實花師奶從來唔慶祝母親節，因為 "母親" 是天職，孩子跟母親的感情亦不是由一個節日反映，之不過，既然佢咁緊張，咁就約埋一齊去食飯啦