富豪機場酒店 - 空港居

唔講唔知，花小姐當年的預產期即是花師奶的生日，可能花小姐擔心被人話不孝，老媽子生日先黎出世，所以提早咗一日。自此以後，花師奶再無慶祝生日，皆因焦點都放在花小姐身上了。

終於，花小姐同花少爺日漸長大，今年的生日宴，可以選擇大家都喜歡的美食，而唔係麥當勞生日會。

咁啱收到富豪機場酒店的宣傳單張，西菜的咖啡廳、中菜的龍門客棧和日本菜的空港居都分別有 40% 折扣，我們當然選擇花小姐喜歡的日本菜。

對上一次入黎機場酒店食咖啡廳的自助餐，已經覺得唔錯，但山長水遠，唔係咁啱收宣傳單張，真係唔會入機場咁遠。可能係咁，今晚都係得幾枱客， 當然服務周到。

食物水準依然理想，邊吃邊傾，三小時很快便過去，都唔明，點解呢家人可以咁多嘢講

未開餐之前，先收花師奶的生日禮物 - 健身手套，果然好有心思。花師奶一直都想買對手套，又拖拖拉拉未買，真係好啱用喎。

前菜

刺身

沙律

清酒煮蜆

羊架

炒什菜、帶子、浦燒鰻魚、多春魚

一口和牛、牛舌、銀雪魚、牛油蝦、金菇牛肉卷、雞軟骨

雪糕和雪米糍