2009 廣州之旅 - 第一天

為了紀念結束工作生涯，轉職返家做東莞工人，決定往外跑一趟。可惜花老爺落實假期後，已經沒有了特價機票，剛巧中旅社做推廣，週末白天鵝套票 $599，加多晚房都係 $400，一千蚊三日兩晚的套票，最終選擇了這個套票

今次主題為尋找兒時回憶，所到之處以花師奶小時候到廣州時的回憶為景點，當然，五星級的白天鵝和國醫館揼骨並不在回憶之列

套票包的直通車在太子中旅社上車，從太子到廣州華廈酒店，足足花了四個多小時，貪平搭直巴，唯有用時間作為等價交換

在太子乘搭 10:45的直巴，到達廣州已經差不多三點車子路經沿江路，怱然想起昔日的四大酒店 - 大同酒家在沿江西路，便朝往沿江西路走過去。

卅年前，呢類餅店真係好威，要我地港澳同胞先有資格買嘢食。

行了差不多半小時，終於黎到大同酒家。

以前最出名是乳豬，但點睇都唔似有乳豬叫，唯有叫了些點心和兩個小菜。

除了對四大酒家之名的情意結外，實在找不出第二個理由到這裡飲茶吃包。

廚司推介的肉醬啜啜粉喎

點心一啲都唔平，蝦餃都十幾蚊。

相比之下，每碟十八蚊的特價小菜顯得相當抵食。可惜花老爺話唔好食，仲問我點解咁遠黎呢度食添。

食完沿珠江慢行

以前返廣州，唔敢報朋友地址，會報住南方大廈、愛群之類的旅館，試過一次復活節返廣州，實在太多人報南方大廈，又無房，最終放咗我地去酒樓等天光，再搵旅館轉地址。呢啲情景，現在的人是無法想像的。

圓邊嗰座愛群大廈，以前都唔敢想像去頂樓的旋轉酒樓食飯。

郵政博物館

陳少白先生的影塔樓

沿江邊行到沙面，碰到正在拍攝婚紗照的新人。

沙面啲人特別悠閒

見到倆爺孫在珠江邊遊野泳，真勇敢。