下午茶@元朗大榮華

正式離開工作崗位，開始做花師奶，梗係要學吓做跟得夫人。今日花老爺約朋友影相，我地一行六人，由石崗農場牛奶小食亭開始，到生態園、大帽山影相，之後到元朗大榮華飲下午茶。

下午茶的豬肉飯和甜點都無晚市咁好食，下次再黎大榮華，都係選擇晚飯圍村菜。

圍村菜仍然係 $52/款，但無咗每加一款減幾蚊既優惠。

因為未試過在大榮華飲茶，我地放棄食圍村菜，改為叫點心。

碟錦鹵素雲吞幾好味，但隔離呢碟韮王油鹽水河粉，跟雲南經常碰到的玻璃湯有異曲同工之妙，無味無道，但油份十足。

點心唔錯，只係兜眉豆糕差啲。

燒賣都好食，馬拉糕甜咗啲。食淨帶俾花少爺食，佢話 ok 喎。

碟圍村豬肉飯跟晚飯的豬肉沒法比，雞腳則保持水準。

六個人食咗三百四十蚊左右，食唔晒要打包。