2009 雲南之旅 - 8

今日終於唔使搭咁耐車，到玉龍雪山祇需要一小時的車程。可惜導遊安排不善，搞到我地浪費咗 "印象麗江"。

話說食完早餐，導遊安排咗我地去玉水寨影下相，落車時又無講幾點要上返車，啲團友梗係慢慢黎啦。

從玉水寨遠眺麗江

到差不多九點，先講話印象麗江 9:00 開場，等到團友上晒車，再到景區，入到場，已經九點半。最慘仲要係旅遊旺季，每場縮短時間，十點半未夠已經散場，白白花了一百九十蚊，換來一肚氣。

要知道，千山萬水才到雲南，張藝謀導演印象麗江，無用到一個專業演員，排到一場陣容鼎盛的場面，真係未必會睇第二次，而家睇得咁少，大家當然好唔開心。

個導遊既樣仲唔覺得有問題，呢樣先係極品。