2008 北京遊 - 第三天之二

繼續欣賞頤和園日落

在5點前趕往圓明園遺址，雖然係遺址，都感覺到呢個令八國聯軍妒嫉既皇家庭園係幾咁大，當時已經開始天黑，馬上坐電池車入遺址內行吓，好走馬看花咁逗留咗半小時，馬上打的返市區，尋找傳說中既利群烤鴨。

圓明園入口

圓明園遺址

話說搭咗個多小時的士(因為塞車)，終於去到傳說中好難搵既利群烤鴨既胡同外面，果然有啲三輪車截停架的士，話利群就係呢度落車，要行好遠先搵到既，收每人拾蚊就可以載我地入去。之前爬文，知道啲三輪車特登呃人搭，咁咪自己慢慢搵，終於搵咗拾幾分鐘先搵到。因為塞車加搵路，遲咗一個鐘，原先訂既枱已經無咗，要搵過張枱比我哋。咁又等多拾幾分鐘，終於有枱坐。今晚主要食烤鴨、鴨肝等，又叫咗水煮魚同蔬菜。相對大董烤鴨，利群係好食啲，但係價錢亦唔平，環境就相當麻麻啦，總算見識過。