一家四口順德遊 - 第一天

花家成員好耐好耐無一齊去玩，原因係花小姐考完高校後，翌日已經成為一位全職救生員，每天工作 15.5小時，無講錯，係15.5小時，早上 6:45 - 晚上 10:15。當時大家都估花小姐做唔到一個星期會辭職，點知佢做足三個幾月，直至入大學前的迎新營。而花少爺去年6月30日返香港之後，每日都好似遊魂，無無聊聊咁就過咗一個暑假。

花少姐入住大學宿舍之後，大家都好少見面，佢實在太忙，忙學習、忙搵生活、忙拍拖、忙上莊、忙適應新身份........終於在聖誕節假期，排除一切困難，一家四口到順德住咗一晚，飲飲食食，享受天倫之樂。大家都好奇怪，點解花師奶咁堅持，一定要離開香港？今次去順德，大家就明白一定要離開香港，一家四口先可以拋開所有嘢，一齊食飯、一齊揼骨、一齊吹水。雖然得短短兩日，花師奶已經好開心


出發啦

經福田口岸



全程約三小時，便到達順德大良。我地入住的酒店位於步行街，落車後信步便可到達，非常方便。









步行街內的城市客棧，高級雙人房，每晚人民幣 188元。




放低行李便到鳳城酒樓醫肚，誰知鳳城結業了，傷心



沿途搵食





不經不覺行到鐘樓公園.......





見到間粥家莊，以為跟順德出名粥邊爐的粥家莊同集團，點知味道相當普通。

食得唔暢快，當然要食下順德雙皮奶補番數。



食飽飽後參觀清暉園

清暉園原址原為黃氏花園，明朝順德杏壇人黃士俊高中狀元，官至禮部尚書，為了光宗耀祖，回鄉興建大宅。後家道中落，在清乾隆年間被龍應時購得，昔日的清暉園是順德最高的建築物，氣勢一時無兩。






大門入口的風水擺設



第一代屋主 - 黃士俊像



大宅少不了的亭台樓閣

 

漂亮的琉璃





花少姐和花小爺餵魚，重拾童真。

參觀完畢便沿路回酒店休息。

 

一邊唱歌、一邊販賣羊肉串的新彊漢子，味道還頂不錯呢。

 

瞓完晏覺，出發搵食。放工時間很難打的，幸好晚飯地點 - 龍的酒家似乎是地標，在巴士站找到往龍的酒家巴士，轉投巴士懷抱。

當晚有飲宴，加上沒有訂位，領位員乾脆讓我們離開。一場黎到，寧願等多陣。一輪苦等，終於食到美味的順德菜。魚蓉湯、炒鮮奶......好味道

 

 

食完飯返酒店，順道漫遊夜空下的步行街。