2011 花都清遠遊 - 英西峰林篇

第三天是行程豐富，又緊張刺激的一天。

師傅於前一天告訴我們在那裏吃點心，呢間快餐店又唔錯喎，又快手又好食。食完請司機在快餐店接我們，再返回森公館取行李，真方便。

一小時多啲就到咗九龍鎮，英西峰林未有正式旅遊公司收取入場費，只見這個檔口 "收買路錢"，每位十元，算啦，快啲俾錢入場，免得晒時間。

行行走走到了這個岩下村

居民很純樸

原來當地習俗端午節要拜神和點炮杖的，一蚊一排，買了一些炮杖應應節。花師奶膽小，只有看的份兒。

行行走走，不經不覺從岩下村走了兩個村，到了上塘村，把位置告訴了師傅，很快他便找到了我們，真犀利！

在九龍鎮御之龍賓館對面的飯店吃飯，點了魚、碌鵝、蒸雞，好有豆味既豆腐和腐竹魚湯，諗起都想返去食多次。

御之龍賓館︰英德九龍鎮大道 電話︰763-2752388，如果想在英西峰林這邊過夜，可以考慮住在這裡。

吃過午飯，又到另一處景點。途經的稻田，花師奶對稻田有情意結，希望金稻時可以再臨跟稻田揮揮手。

食完飯去觀音谷

仲有好多好多相，遲啲等花老爺整好啲相，再同大家分享下。成個旅程好玩、景點又靚、食物又鮮又好食，全程有司機接送，舒服到唔識形容，都唔知點解個搞手咁叻，搵到咁多好嘢。

剛剛話嘆到死，到回程返香港就好玩囉一心諗住清遠距離廣州不遠，慢慢走都唔遲，五點左右，已經到清遠北站，睇下有無車去廣州先？原來呢個站已經無車去廣州。

之後到清遠的汽車站，只買到晚上八點幾到廣州火車站的票。擔心趕唔到尾班火車返深圳，轉買了到廣州羅沖圍的汽車。此站標明十五分站一班車，但當天人頭湧湧，買了車票後便湧進車站等上車。都唔知等咗幾耐，最後，差不多九點到達羅沖圍汽車站，從汽車站花了二十多分鐘，終於到了廣州東站。嘩！環境更惡劣。由安檢到買車票都大排長龍，終於在羅湖閉關前趕到深圳過關，不用再轉車到皇崗過關，都算好彩。

雖然尾聲有點刺激，但行程中有些變數，回憶時更添樂趣。