黃埔詠藜園

好耐無見契仔，今日約了契仔一家到黃埔詠藜園食擔擔麵。

幾個月無見契仔，定性咗好多，最近學校停課，佢話悶喎 送咗套百科全書俾佢，希望可以幫佢解吓悶啦。記得沙士時代，花少爺跟現在的契仔差不多大，當時又係提早放暑假，花少爺好唔開心，無得返學參與試後活動，晃眼又六年了。

因為主食係擔擔麵，每人叫了一碗，再點紅油抄手、水餃等，老闆推介元蹄和大閘蟹年糕，點了後已經唔敢再加主食，之後試了甜品黃金糕。

食物的水準不俗，可惜花老爺回家後不斷飲水，有味精敏感的朋友要三思了。

主角 - 擔擔麵，有辣有唔辣

紅油抄手 - 普通

水餃 - 普通

大閘蟹年糕 - 年糕很入味，毛蟹仔細細隻，用黎調味而已。

元蹄 - 偏甜，不太啱口味，但是心機之作。

甜品 - 黃金糕，呢個好味道。