2009 颱風下祈福之旅-3

最後一日行程，天氣都算唔錯，原來打算到祈福農莊玩，點知已經結業。食完早餐，到巴士站買回香港的車票，團友們繼續各自各精采，有啲團友打羽毛球、有啲打桌球，我帶三嫂去修甲，第一次見人在腳甲劃花，都幾得意。

天氣咁好，一啲都唔似打緊風。

逐隻腳趾甲畫花，我仲以為只有水晶甲或啫喱甲先可以咁做，原來普通甲都可以畫，修甲連畫花都係五十元，幾抵玩。

各有各節目之後，兩點鐘集合食午飯。今次揀咗呢間中山小炒，食妙齡乳鴿。

食乳甲之前，三佬仍然念念不忘虎皮尖椒，到順德小炒打包一碟釀尖椒、一碟豉椒尖椒，一放低，當然即刻清盒。

妙齡乳甲果然係招牌菜，除咗呢碟之外，跟順德小炒相比，無碟得。

食飽飽從這個巴士站打道回府。

旅遊車到了東莞虎門附近塞車，咁啱其中一位團友肚痛，塞了差不多四十分鐘，有兩位團友決定落車去洗手間。點知，這時候車道通了，旅遊巴士司機講明通車唔會等人，要團友自行想辦法回深圳。咁點算..........

剛想打電話通知團友到深圳灣匯合，誰知一位好心的司機幫團友追上我們，加上旅遊巴司機慢駛，十多分鐘後，團友終於趕上車。

這位就是好心的司機

返到深圳後差不多天黑了。

颱風下的祈福之旅在快樂的氣氛下完滿結束。