繼上次到香車街街市食車仔撈麵後，繼續到香車街街市尋找兒時回憶，今次幫襯呢間江記上海麵。
跟兒時的街市一樣，大排檔內可以在不同的檔口點食物，我地幫襯咗江記食上海雲吞麵；又幫襯隔壁的合記飲奶茶、鴛鴦。不過，間上海麵就麻麻地啦，鳳爪無味、雲吞又唔夠菜，花老爺話啲麵都還可以喎。茶水檔的奶茶、鴛鴦亦未見出色。我估尋找兒時的回憶系列，都要告一段落。都唔知係年紀大，對食物要求有所不同，定或是食物的質素下降？呢幾次到香車街街市食以前的檔口食物，真係一啲都唔好食。
後記︰呢幾次同花帶吉食香車街大排檔，都同佢傾到好多兒時的回憶，佢亦有分享吓自己既嘢，都好開心。可惜花帶柑面臨會考，無時間同我地一齊分享呢幾次的經歷，希望佢考試順順利利，到暑假又變返一個開開心心、無憂無慮既美少女啦。
鳳爪雲吞麵和牛腩麵
沒有留言:
張貼留言