好多年無到過莞城，今次專程往莞城一遊，住莞城的Pullman，享受吓五星級的服務。上午仲要返工，放工約咗花老爺在新生餐廳食完晏，在青衣城搭車往上水港鐵站，再搭港鐵往羅湖。
過關時發現忘記帶會員證！大獲！無會員證就無咗會員優惠，相差成倍。張大陸電話咭又唔靈，好灰
過埋大陸關口，再試張電話咭又得喎。咁咪打電話到訂房中心問取消Booking，點知訂房中心話不如直接打去酒店訂房部問吓對方接唔接受無帶會員證？隨即打電話去酒店，對方話訂房時已經輸入晒所有資料，可以俾返個會員優惠，但自助餐既買一送一優惠就無啦。唉！算啦，一場上到深圳，繼續旅程啦。
在羅湖商業城的巴士站坐莞城東城的大巴到東城站，大約一小時廿分到達，即刻增值張電話。
從東城站打的往酒店，間酒店真係唔錯，真五星，唔係 "準" 五星。可惜今次咁晏先出門口，去到已經五點，加上要出去市中心食飯，坐一陣就問櫃枱點行去海雅百貨，原來一出門口右轉向前行，見到第二個紅綠燈就到，咁好啦，就行去啦。最後，行咗成廿分鐘先到。
大堂入口
大堂
房間外圍
房間走廊
房間︰得！
請問深圳搭車到莞城約幾錢呢？唔該！
回覆刪除[版主回覆01/02/2012 22:27:44]上次搭係人民幣55元，而家唔知幾多。莞城有三架車，記得問清楚先好上車呀，旅途愉快。
HI, 多謝你的回覆。我地準備農曆新年過去呢間酒店渡假，現在買了從香港去的直通車票，雖然貴一點，但比較安全。
回覆刪除係呢，你話呢間酒店既服務同食物質素OK嗎？睇你D相，張床好似好細喎！唔該你！
[版主回覆01/07/2012 21:18:56]張床唔太細，唔使擔心。
[版主回覆01/07/2012 21:17:19]我住既時候間酒店唔錯，室內有標準池和暖水池，冬天游水都唔怕。開酒店係五星級，有一定水準的。但有網友話而家的自助餐麻麻地，可以打的去東城十三碗(唔知有無記錯，最好問問前台)，係一條食街，想食咩菜都得。
係呢，你重有冇做ACCOR會員呀！幾錢一年呀！你有乜送呀？
回覆刪除[版主回覆01/07/2012 21:20:08]而家太多團購，我又成日鐘意試新嘢，今年無 JOIN 啦。