又係美好的一天，在酒店食早餐，然後到泳池浸一浸，再出去 BIG C，大小姐要整假髮。今日BOOK 咗 一點去 LET'S RELAX 做 HERBEL BALL MESSAGE + FOOT MESSAGE。老爺就在我們整假髮的時候去咗影沙灘。之後匯合食晏，一齊去爽爽啦。
LET'S RELAX 的評價各異，總括黎講，SPA 唔掂，HOT STONE 就毀譽參半，HERBEL BALL MESSAGE 最穩陣，亦係最平，1000匹埋單。做完之後，仲有好好味既芒果糯米飯。之前老爺問︰今日做咩？我答︰1000匹既嘢。佢再問︰點解禽日係300匹，今日要1000匹。我答︰因為唔同素質。佢又問︰啲貴嘢我唔啱，我唔做 SPA。我又答︰1000匹並唔係貴嘢，SPA最少3、4千，食懵你。按完之後︰嘩！好正喎？點解禽日唔黎呢度？點解去豬肉場。我︰頂！我點知啫，我兩度都未幫襯過，你都 SHORT既。就係咁，完成咗泰按之旅啦。因為少爺同其他團友唔鐘意MESSAGE，明天相遇之後，無得爽爽 LU。
揼完骨骨就帶亞囡去另一個港人景點︰探炳嫂去也。事前已經俾咗心理準備大小姐，佢仍然覺得好震撼。買完手信，返酒店放低，之後到隔離睇人妖秀啦。一小時十五分鐘既人妖秀算係見識見識。睇完啱啱好去兩條街咁近既頌塞食晚飯。除了生蝦刺生好食之外，其餘都不過不失而已，無特別驚喜。食完晚飯，又行吓夜街，就返酒店覺豬豬。明天到曼谷見少爺仔，好掛住佢呀！
酒店早餐 - 不過不失
酒店泳池
早上的芭提亞沙灘
LET'S RELAX
人妖秀
頌塞餐廳
\
沒有留言:
張貼留言