泰國之旅 - 芭提亞之一

今次一家四口分兩批去泰國，我和老爺跟大小姐先兩天到芭提亞，之後少爺跟團友一家到曼谷匯合。

今朝一早搭泰航 TG603 到曼谷，0800機，好彩團友教咗我做網上check-in，只需要一小時前到達機場。原先老爺想食大家樂早餐，老人家要飲奶茶喎，但實在太多人，唯有妥協到 T2 Check-in 及吃早餐。T2 人流少好多，我地去咗茶餐廳食早餐，之後就上機啦。

一早已經定好 BELL TRAVEL 去芭提亞的座位，150匹/位，可惜去到地下七號閘，十點班車走咗，只好等十二點班車。仲有個幾鐘頭，在泰國機場閒閒逛逛。原來在DEPARTURE 和 ARRIVAL 之間有一層餐廳，選擇都幾多，亦有些小食亭。逛到十一點幾就到地下層等上車。

下午二點左右到達芭提亞，在芭提亞的巴士站轉車往酒店，TIM LEUNG 已經在 IBIS 等我地，俾人妖秀啲入場劵，同埋教我地點去 "金手指" 做泰按。

CHECK-IN 間雙人房好細，而且大小姐要加 $$，問家庭房，加埋三人早餐，約420港幣，是但啦，轉咗間家庭房。家庭房有張雙人床 + 張上下格床，都幾好。放低嘢就行咗去沙灘路搭雙條去飛機撞樓商場。食完 BUGBER KING，走去前面搵 "金手指"。TIM LEUNG幫手BOOK平100匹，300匹雙鐘。簡簡單單、乾乾淨淨的一處地方，按得幾舒服，按完已經係六點幾啦。

行返去 CENTRAL PLAZA FOOD COURT 搵食，今次都係食 ZEN，食物質數依然咁高，侍應面口仍然咁黑。好奇怪，泰國大部份餐廳的侍應都幾好笑容，點解 ZEN 既侍應可以咁口黑面黑既？

BELL TRAVEL BUS

 

IBIS PATTAYA HOTEL

IBIS FAMILY ROOM

芭提亞爽條

BURGER KING

DINNER AT ZEN

NIGHT MARKET AND WALKING STREET

街頭紋身 - 勁！