2007 華東遊 - 第五天

第五天

為避開繁忙時間，選擇了七時卅分在虹口球場上車。從虹口塞車到上海體育館，已經是八時廿五分，等客人上車後，向西塘出發。雖然說水鄉只是一條河加上兩旁房子，但加起來真的別有風味，值得一遊。如果我們有多一天時間，我們會到周庄，可惜明天便要走了，只能好好享受西塘水鄉了。午餐的時間，我們選擇了河畔的咸亨酒家。下午兩點半便要上車了，上車後，司機說 “增遊” 了一個花卉展，在那裏最少要逗留一小時，是公司規定。唔係嘛？一天遊都有購物點？真係，重要老屈最少逗留一小時，全個旅程最敗筆就係唔見咗呢兩個鐘。唔知其他水鄉會唔會有同樣情況呢？

西塘

因為呢嗰 “增遊” 既景點，返到上體已經六時，係繁忙時間。原本打算坐地鐵到石門一路站找王家沙，但到人民廣場站轉線時，發覺人流好恐怖，決定離開地鐵搵食。離開人民廣場站時有小插曲，從地鐵站上路面的行人電梯，老爺行前面，未到地面突然塞人，後面啲人又迫緊上黎，我第一個反應係死人都揸實扶手，好彩前面開始行得，我隻手就比條扶手摩擦到好痛，但好彩無意外。老爺話前面塞人，有人跌到，好彩捉實嗰男人，嗰男人好快起番身向前行，唔係比後面啲人拱上黎，都唔知有無意外，諗起都驚。

條街真係超多人，原來今日係平安夜，唔怪得咁多人啦。我哋搵到間草原羊，勁似小肥羊，就行咗入去食。好彩行快兩步，過一陣就多人，勁等位。對上海的感覺，是七十年代的香港，商機處處，人人步伐急促，侍應非常勤快，服務亦佳。名符其實 “起呢度，每人比一蚊你，你都一定發達”。見番以前既香港，有啲感慨。