星洲菜

自從朗豪坊開咗土司工坊，禁不住想食喇沙和飲 kapi 的衝動。但每日路經朗豪坊都是來去匆匆，試過買斑蘭蛋糕，真係完全唔掂。一啲都無班蘭蛋糕的香味，只有甜味。終於，今日有機會坐下來，試試喇沙 + kapi 套餐。

細細碗的喇沙，味道唔錯。Kapi 是星洲咖啡+練奶+花奶，味道甜甜甜。如果下次想食下星洲食品，呢處都可以考慮。

咁啱見到網購星洲菜 - Kitchen 65，又買咗幾張 coupon 食海南雞飯和喇沙。

套餐可選擇海南雞飯或喇沙，另外加點了魔鬼魚、串燒和菜，計埋網購優惠，埋單每人大約一百元。

重頭戲的海南雞飯的油飯偏乾、甜豉油唔夠濃、偏鹹。其他食物不過不失，但又唔會令你回味，所以，應該唔會有下次。