早前約了朋友一齊報團去梅州土樓，點知唔成團，朋友想去潮州，又啱時間，所以改了到潮州逛了一轉，天意也。 點解話天意呢？原因是幾個月前才跟網友到潮州吃吃喝喝，所以無計劃短期內再去，反而朋友話未去過潮州，都想去行吓，造就了今次潮州之旅。
今次潮州之旅好抵玩，每人 $322(團費) + $150(小費) + $170(加遊) = $642，當然，代價係無咁自由囉。
第一天︰鮜門海鮮餐 - 惠來世鏗院 - 潮陽明安里 - 汕頭 - 福合埕牛肉丸夜宵。
在深圳灣口岸上車，經過兩個鐘頭的車程，便到達鮜門這個中轉站，這裡多是旅行團中途吃飯的地方，例牌的團餐，海鮮湯、蒸魚、灼蝦、蒜泥蒸蝦菇(瀨尿蝦)、白切雞、魚丸、時菜、海鮮煲，不過不失。
旅行團最能找到一些不用或少量入場費，但地方 "隔涉" 的旅遊景點。今次的第一站 - 世鏗院，這是林世鏗先生對外開放的私人宅院，充分表現了潮州私人建築的特色，不禁想起杭州的胡雪巖故居，都是很美麗、很宏偉的私人大宅。
大宅外的風水地標
全景
參觀過私人大宅世鏗院，下一站是潮式民居 - 明安里，明安里是潮式民居的示範單位，名為九龍吐珠，祠堂在中間，三邊是房屋，一式的建築，強烈感受到民族的團結性。
遊罷明安里，旅遊車直抵汕頭，又到晚飯時間。晚餐是全鵝宴 - 滷味拼盤、鹵鵝片、酸甜鵝柳絲、鮮菌鵝骨、鵝仔肉柯飯、春菜鵝骨煲、鹵鵝血、番薯葉、韭菜粿、金玉聚滿堂，都有少少賣點架。
食過晚飯，導遊安排團友返回今晚入住的汕頭花園賓館休息，之後再集合進行自費的夜遊項目。
旅行團必設的加遊項目 - 福合埕牛肉丸夜宵，牛肉丸、牛根丸、魚丸、煎蠔烙、沙茶牛肉粉、炸豆腐，味道不俗。
以前未結婚都同爸媽返過去幾次 ,而家潮州變化都好大 ,有機會都好想去 ,媽咪最近先去完三日遊話冇機會探親 ,遲 d 又同姑媽 ,表姐一家自己再去 ,可惜我又去唔到
回覆刪除[版主回覆06/01/2010 20:39:00]潮州真係變化好大，但潮州人既團結感覺仍然濃厚，唔似我鄉下 - 常平，一啲鄉下既感覺都無。有時間既話，暑假返去行吓啦。
看見你的blog，令我想起兩年前同姨甥仔返潮州惠來一帶住(因我是潮州人)，雖然住得三日兩夜，是我這個姨姨嚷著走=.=，但至今我都好掛住呢個地方。
回覆刪除小時候成日返，而家返去真係變化好大。
[版主回覆08/04/2010 10:54:00]有機會應該返鄉下走走，你地年輕人唔明，點解啲人鐘意尋根，日後你會體會到，暑假有時間返去行下啦。祝你新工作順利。
小時候成日返，但由於我係女兒身，唔俾入祠堂，可能我亦是唯一一個冇入族譜內姓名的後人(男的一列，女的一列)，祖父祖母更加未見過，因為他們早死。
回覆刪除得閒都要返去睇下，不過等到我d錢鬆動d就ok！
兩年前去，我覺得自己似個大鄉理多d…
[版主回覆08/05/2010 13:59:00]個人感覺，潮州仍然保留着很多傳統，值得睇下。如果鄉下無咩親人，不妨考慮跟團，可能會有不同的觀感。
到時你機會再去的話，介紹食一些好地道的小吃給你，不錯的。唔一定食一些大路的潮州食物有一款是我很喜歡的餅，就係綠豆餅，好香但油膩症d(因用豬油整)。次次去親，都要買2-3卷回來吃，因為用紙包關係。
回覆刪除其實我打算唔跟團，因我知道如何搭車入去，以及有咩酒店可住，只是一個人去，母親大人不肯吧！
我識聽潮州話，但講呢就麻麻。
[版主回覆08/05/2010 19:55:00]上次網友搞潮州美食團，加上今次再遊潮州，應該短時間唔會再去。中國太大，要走既地方太多，之不過，如果係鄉下又唔同，始終係自己既根嘛。
我有食綠豆餅，好似十蚊一筒，好好味，都估到係豬油整，否則無咁好味。我係東莞人，都識聽東莞話，但唔識講，你叻啲，起碼識講。