譚魚頭火鍋

一直都想吃譚魚頭火鍋，但總是與它擦身而過，難得見到網購有譚魚頭二人餐，便買了餐卷。咁啱花小姐在書本堆中驚醒，話好耐無一齊食飯，花小姐又十分喜歡吃火鍋，終於一家三口去慕名幫襯尖沙咀分店。

除了套餐包括的配件以外，我地都加咗幾碟配料，連埋網購優惠，每人都差不多二百元。味道又唔係特別好食，配料新鮮之外，又係無獨特之處，應該唔會再幫襯。

食火鍋當然唔可以無咗佢

飲杯

套票列明可以選擇蕃茄湯底，既然咁講，蕃茄湯底一定有其特點，選擇了麻辣+蕃茄湯底。個人覺得湯底唔錯，但花老爺話味精好重，食完狂飲水

譚魚頭 - 當然食咗魚頭先，睇下有咩過人之處？

唔知係唔係來貨關係？個魚頭真係一啲都唔特別，如果為咗個魚頭而幫襯，應該會失望。叫得譚魚頭，無理由咁差掛？有機會，真係要上深圳食返呢個魚頭，睇下會唔會係香港的來貨限制既差別？

口水雞的麻辣又係唔得，會唔會已經遷就了香港人的口味？

每位的花碟，承惠十蚊，豉油亦是每碟十蚊。如果有機會幫襯，要花碟已經可以，跟小肥羊一樣，湯底很濃，無必要用豉油。