2010母親生日宴@鳳城酒家

睇完少年食神個節目，介紹鳳城，醒起媽媽生日，馬上約兩個哥哥出黎食飯。其實媽媽生日全個家族約咗去食齋，只不過今日搵藉口預先食多餐。姪女真係乖，竟然做晒功課，可以一齊出街食飯，有孫女陪，嫲嫲已經好高興。姪女佢知道嫲嫲生日，俾咗佢成幅身家 - 五十大元嫲嫲，嫲嫲當然唔會收，仲回咗一百蚊俾佢，皆大歡喜

網上搜集意見，選擇了亞皆老街這家分店，人流較少，坐得舒服啲。

以為無人，原來裡面好大。

叫咗八個餸，加上生炒糯米飯，長長久久。

飲杯

窩貼大明蝦 - 哥哥一向不喜歡中菜，聽到叫八件，即刻話︰我唔要窩貼，佢以為係上海菜既窩貼，俾佢笑死。

上湯粉果 - 招牌菜，好好味。

炸子雞

花老爺最喜歡既順德餸 - 虎皮尖椒，辣咗啲，媽媽食到雪雪聲。

鳳城小炒皇

魽魚煲 - 鼓汁太多，蓋過了魚的鮮味。

生菜鮑片 - 無可能唔好食既餸

大良野雞卷 - 全晚最差既餸，啲上肉肥到痴咗線，我屋企人唔鐘意食淨嘢，都無本事食得晒。

生炒糯米飯 - 阿嫂最鐘意食既。專家話，唔好食，口感唔豐富。

今次俾個驚喜媽媽，睇得出佢好開心，密謀緊下次帶佢去西貢食海鮮。