2010 台北、花蓮遊 - 第五天

在安通溫泉嘆到十一點起程，返花蓮市搵食。根據旅遊書，呢間麵店連名都無，在中華路9號，一棵榕樹下，經營到下午一點半。咁有性格既麵店，應該好好食，就用呢間麵店黎結束花蓮既行程。

鹵水的豬尾、大腸、豆腐都好味，豬血湯和貢丸湯 - 一般，白灼花枝 - 新鮮，小店的鹵水美食更勝滿妹豬腳，怪不得無名麵店都上旅遊書啦。

食完交車，到花蓮火車站等上車。花蓮火車站有按摩師傅、手信店，都幾熱鬧。

年輕人問花師奶應唔應該買手信，花師奶買咗其中一款花蓮薯俾大家試，甜到呢

兩個鐘頭就返到台北，搭的士到 Just sleep。

西門町

間酒店啲設計好奇怪，馬桶/洗手盤/淋浴係分開三個地方，個超迷你雪柜，你會以為佢係玩具，呢啲就叫做型格呱？

電梯大堂

上網睇網評，間酒店評語好壞參半，最多人話早餐唔得。呢度既早餐總算樣樣都有，只不過人手不足，啲食物 re-fill 唔到，又難搵位，年輕人梗係寧願到樓下 7-11 買嘢食，都唔去餐廳食早餐啦，我地老人家，又唔覺得好大問題喎。

出發去師大夜市

捷運購買處

從古亭站走十分鐘左右，見到師大，轉個彎就係師大夜市。

台灣所有夜市一樣，都是賣衣服、飾物和食物的店鋪。

走進一間食韓燒的地方，見識過啲學生食肆，平則平爾，味道就相當麻麻。

逛過夜市，搭捷運去動物園站坐貓纜，原來貓纜收九點，上到貓空，四圍黑漆漆，貓纜又收咗工，最後等咗好耐先有車返捷運站。下次再去貓空，會選擇傍晚出發，在貓空吃晚飯，九點前坐貓纜去捷運站。

轉轉折折，返到西門町已經十一點，又係靜蠅蠅，餐廳又搵唔到，求其搵咗呢間水龍王食宵夜。

最叻司機哥哥，點咗小號滷肉飯，啲魷魚麵非常之咁唔好食，台灣遊最難食就係呢餐。