2009 曼谷之旅

九月初，國泰推出  $990 曼谷機票，找可愛的 Nataile 訂好位，讓花老爺確定假期後，便是今次 2009 曼谷五天遊的好開始。

機票連稅︰($990+$421) x 2 = $2,822 (全靠 Nataile 幫我 hold 機票)

保險︰約 $200

住宿︰Abloom Services Apartments 約 $1,000/4天

消費連購物︰$6,700

總消費︰$10,722

出發了，同樣是大喼內藏細喼，細喼裝日用品，大喼裝戰利品，零食的手信用紙箱寄回。你睇，出發時幾瀟灑？

預先已做好 on-line check in，很快便處理好行李，到 Terminal 2 吃早餐。多了很多餐廳，我們選擇了這間由美心集團管理的千燒百味。

轉眼三個多小時後，在曼谷機場見。

由於朋友借給我的 sim 咭已過期，走到 2 Floor 的便利店買 sim 咭。

之後到 4/F 出境的士落客處搭的士，慳返 50B 手續費，上的士後司機索價 400B，梗係唔俾啦，之後還價 300B成交。

半小時後便到達 Abloom。

房間未準備好，我們坐酒店的 tuk tuk 到 Ari BTS 旁的 Villa Market 行街食飯。

Ari 是商業區，剛巧是午膳時間，我們亦在附近的檔販食地道雞飯。

雞飯包括炸雞和白切雞兩樣，好味過水門雞飯，個湯就水門雞飯好味啲。仲有鴨肉河粉，河粉賣晒，淨湯都要試下，幾好味。

路上見到即撈沙律，你敢唔敢食？

食完飯 call 返 apartment 叫 tuk tuk 接我地，攞房之後，從後門走到 Sanam Pao BTS，三分鐘路程，坐車往 Siam。

Siam 地區無變，我地仍然係先去 Siam Square 買 T-shirt，跟住行黎行去買唔到嘢，之後去 MBK，又係買唔到嘢。再去 Swensens 食雪糕。

今次無花小姐同行，食唔到九球，加上仍然好飽，只食咗宣傳緊嗰款....

食完雪糕，行行下又行到 Super rich 唱錢，rate: 4.31，跟住去 Big C入咗啲食物。呢個時候，花家兩老都已經好倦，亦無精力繼續去搵食，草草在 Big C 的 Food court 食咗三碗麵，打的回程。

雖然 cheap cheap 地，都幾好味，尤其是碗冬陰公河粉，Yummy!