2007 廈門遊 - 第三天

10月14日  天晴

最後一天旅程。在酒店吃完早餐，到游泳池浸吓水。個游泳應該係25米池，因為我唔識游水，HEA咗陣就同女團友到更衣室內的熱水按摩池浸吓。更衣室內既冰水池、熱水按摩管理得好好，真係好乾淨同舒服，浸咗15分鐘後返房收拾同 check-out。

Check-out 完差不多一點，打的前往南普陀寺。廈門的美食指南內介紹南普陀寺內的素齋在歷屆烹飪技術比賽中曾獲金、銀、銅牌及優秀獎。咁勁梗係要留番個肚去試吓啦。

打的到南普陀寺遊了一會，問茶館職員那裏吃素齋，茶館職員話進入南普陀寺後，餐廳內才有素齋。吓，搞咗咁耐原來未內門口

進入寺內再遊了半小時左右，品嘗在廈門最後的一頓美食。我們點了$150，七道素齋，又確係幾好味，啲湯都好飲

我估其中 “pat” 芋泥應該就攞獎既菜式。

南普陀寺

離開南普陀寺，走到隔壁的廈門大學逛逛，跟其他大學沒有多大分別，拍攝後便離開。再問團友要不要到另一個景點萬石植物園，團友都應為時間不是太多，建議返回酒店附近的公園走走，感受一下假日的公園氣氛。

廈門大學

打的到離酒店不遠的江頭公園。公園中有一間餐廳，我們在四周逛了一圈後到湖中餐廳喝冰茶。餐廳環境確實令人留戀，但奇怪地飲品價錢昂貴，味道不好

餐廳保安幾嚴格？

返酒店取回行李，出發到機場去。

廈門遊後記

這個額外的假期沿自一句戲言。話說有日工作不順利，同我家老爺講10月份有一天可以請假，不如連同星期六日離開香港，行開吓。咁上網見到港龍假期有廈門三日兩夜套票，再做吓 resarch，廈門有個鼓浪嶼是中國5A級景點，加上只需要一個小時左右的航程。就拍板CHECK機位。再同同事傾開計，佢都有同感想行開吓，加上兩個男團友都鐘意拍攝，馬上一拍即合，實行這個廈門之旅。緣份就是這樣子。

廈門可能是沿海關係，物質富裕，民風樸素，地方清潔。我們在廈門的三天都以的士代步，最貴的一程不過是40元，的士司機都係好好人，又有禮貌。我家老爺話除了食物沒有驚喜外，廈門是值得一遊的地方。加上港龍假期所包括的喜來登酒店，以千多元的價錢有此享受，非常值得。