2007 東京遊 - 6

8月1日 晴

在Hilton吃過早餐後，出發到皇居前的二重橋。

在二重橋拍照後，在到最後一駅 – 銀座。

導遊話︰無論你以為自己有幾多時間，到最後都係唔夠既

咁佢就好有 “Heart” 咁畫咗一幅由我哋落車到西武百貨一段仔路既地圖

然後就教我哋如何重點出擊、退稅、去邊度搵食等等。我家老爺話︰如果啲人冇打算買嘢，3個鐘頭做啲咩好？我梗係唔啋佢，先去咗板急百貨入咗兩個aguis b.袋先，依然係M碼袋得番黑色

都好，要。然之後去藥房行吓，買吓嘢、去橫街搵到間比雜誌訪問過既食店。

叫咗佢既皇牌炸球 (實在食唔到裏面係咩嘢)。再去博品館睇玩具，就去咗一間超級市場買嘢飲。老爺起度抖緊既時候，我就飛奔去不二家(牛奶妹)度打包咗最出名既士多啤梨蛋糕同埋雪米磁、再買埋牛奶糖。

好！上車去機場

CHECK IN完梗係上二樓行下

好飽、食唔落嘢。Ec2 既朋友話入禁區後買嘢免稅喎，又唔買得嘢添，行咗幾個字，同老爺講早啲入禁區。入咗禁區周圍行吓，再買東京限定既 Hello Kitty電話繩，去到停機坪前既免稅店又買白之戀人。好滿足，坐定定等返屋企lu。

後記︰今次因為間迪士尼區HILTON而報既豬仔團好值得，個領隊好盡責。雖然沿途不斷SELL嘢，但係唔賣嘢都冇黑面。我哋參加旅行團都會買啲嘢當團費，佢都冇HARD SELL。如果自己去一定唔捨得住HILTON，我家老爺話比團費又唔見你肉痛，我答佢︰沒辦法，團費唔係我比既，所以唔覺。